Түркістандық «Тұран» қазақстандық футболдың элитасына қайта оралуын ресми түрде рәсімдеді, деп хабарлайды @Pavlodarnews.kz тілшісі.

Түркістандық «Тұран» қазақстандық футболдың элитасына қайта оралуын ресми түрде қамтамасыз етті. Бірінші лиганың аяқталуына үш тур қалғанда оңтүстіктік клуб КПЛ жолдамасын иеленіп, жақын қуғыншысы «Академия Оңтүстік» командасы үшін қолжетімсіз болып кетті. Олар күні кеше Бірінші лига жеңімпазы қарағандылық «Шахтерге» жол берді. Регламент бойынша жоғарғы дивизионға екі үздік ұжым көтеріледі. Ал екінші орында келе жатқан «Қайрат-Жастар» фарм-клуб болғандықтан, элитаға өтуге құқығы жоқ.

Бұл жаңалықтың Павлодар жанкүйерлері үшін орны бөлек. Өйткені «Тұранның» бұл жетістігінде павлодарлық төрт футболшының үлесі өте үлкен: командада қақпашы Никита Калмыков, хавбек Арман Кеңесов және шабуылшылар Арман Смаилов пен Мирас Тұрлыбек ойнайды.

Павлодарлық футболшылардың өзге өңір клубтарын элитаға шығаруға көмектесуі бірінші рет емес. Өткен маусымда сол Мирас Тұрлыбек Вячеслав Раскатовпен бірге ақтаулық «Каспийді» ҚПЛ-ге шығарған еді. Осыдан кейін ойыншылар туған клубы «Ертіске» оралғанымен, клуб тарапынан тиісті қолдау таппады.

Ағымдағы маусым барысында Мирас Тұрлыбек отандық кәсіпкер әрі Forbes тізімінің қатысушысы Дінмұхамет Идрисовтің басқаруына өткен «Тұранға» ауысты. Қаржылық тұрақтылық пен сапалы орындаушылармен дұрыс күшейту жылдам нәтиже берді.

Бірінші лигадағы Павлодар облысының өзге өкілдеріне келсек, Виталий Спарышевтің басшылығындағы екібастұздық «Батыр» оныншы орында келе жатыр және 9 қазанда өз алаңында алматылық «Хан-Тәңіріне» қарсы матч өткізеді.