«Таза Қазақстан» акциясы аясында қоғамдық орындардың тазалығын бақылауға бағытталған рейдтік іс-шаралар жалғасуда, деп хабарлайды @Pavlodarnews.kz тілшісі.

Екібастұз қаласы полиция басқармасы қоғамдық қауіпсіздік бөлімінің бастығы Медет Бейсеновтың айтуынша, төрт азамат темекі тұқылдарын арнайы орындарға тастамай, қоғамдық орындарды ластауға жол берген.

– Мұндай құқық бұзушылықтар үшін әкімшілік жауапкершілік қарастырылған. Заңнамаға сәйкес құқық бұзушыларға 20 айлық есептік көрсеткіш (86 500 теңге) көлемінде айыппұл салынуы немесе қоғамдық жұмыстарға тартылуы мүмкін, – деді Медет Бейсенов.

Тәртіп сақшылары мұндай профилактикалық іс-шаралар алдағы уақытта да жалғасатынын атап өтті.