Жас маман жерлестерін маңызды күні дұрыс шешім қабылдауға шақырды, деп хабарлайды @Pavlodarnews.kz тілшісі.

Ертіс ауданының жас сарапшысы Нұрсұлу Дәрігерханның айтуынша, Ата Заңға реформа қажет.

– Өйткені уақыт өзгерген сайын заңдар да, ережелер де, жүйе де жаңарып отыруы тиіс. Егер бәрі бұрынғыдай қала берсе, даму болмайды. Мысалы, білім саласындағы реформа оқушыларға сапалы білім алуға көмектессе, бұл - жақсы өзгеріс, – дейді ол.

Жас маман реформа тек қағаз жүзінде қалмай, болашақта халыққа шын пайдасын тигізуі керек деп санайды.

– Сонда ғана адам өмірі жеңілдеп, барлық жағынан мүмкіндіктері артып, реформа нәтижелі болады, – деді Нұрсұлу Дәрігерхан.

Айта кетейік, 15 наурыз күні республикалық референдум өтеді.