Мемлекеттік рәміздер күніне орай велошеру өтеді, деп хабарлайды @Pavlodarnews.kz.

Май ауданының ішкі саясат және тілдерді дамыту және  мәдениет, дене шынықтыру және спорт бөлімдерінің ұйымдастыруымен 3 маусымда сағат 17:00-де Көктүбек ауылдық округі әкімшілігі ғимаратының алдында велошеру басталады. Спорттық шара Қазақстан Республикасының Мемлекеттік рәміздер күніне, Май ауданының 85 жылдығына орай және нашақорлықтың алдын алу үшін ұйымдастырылады. 

Қатысушылар ақ футболка киіп келу керек және олардың қолында бір жалауша болу қажет. 

Жеңіс мәресіне алғашқы болып жеткендерге электр шайнектер, үтік, колонкалар, миксер және тағы басқа  тұрмыстық жабдықтар сыйлыққа беріледі. Сондай-ақ, «Ең жас велошеруші», «Ардагер велошеруші» номинациялары бойынша жеңімпаздар анықталады.