Мемлекеттік органдар қоршаған ортаны қорғау саласындағы экологтармен тығыз өзара іс-қимыл жасауы қажет, деп хабарлайды @Pavlodarnews.kz тілшісі. 

Экология және табиғи ресурстар министрлігінің мәліметінше, премьер-министрдің қатысуымен өткен «Жасыл экономика» кеңесінің отырысында «Жасыл академия» ғылыми-білім беру орталығының директоры Бақыт Есекина осындай пікір білдірді. 

– Қоғам мен билік арасындағы диалогтың бұл түрі өте тиімді. Мен ластаушы ғана емес, сонымен қатар парникті газдар қалдықтарын есепке алу және бақылау туралы да мәлімет бердім. Сіздер білесіздер, қазақстандық делегация COP29 алаңдарында өзінің алғашқы павильонын сәтті өткізіп, ұйымдастырды. Біз COP29 шешімдері аймақ пен бизнеске көміртегі бейтараптығы стратегиясына, сондай-ақ көміртегі саудасына қатысуға мүмкіндік береді деп санаймыз, – деп атап өтті «Жасыл академия» ғылыми-білім беру орталығының директоры Бақыт Есекина. 

Оның айтуынша, Бакуде COP29-да қабылданған 6.4-бап біздің бизнесімізге қалдықтар саудасына қатысуға мүмкіндік береді. Әрине, бұл үшін қалдықтарды түгендеуді және сертификаттауды бақылауды жетілдіру қажет. Осы мәселелердің барлығы бүгінде Қазақстан сарапшыларының назарында. Шешім қабылдаушыларға оқытуға қатысу туралы, Мемлекет басшысы жетекшілік ететін климаттық саясат жөнінде біліктілікті арттыру маңызды деген ұсыныс жасалған.