Павлодар облысын қалың қар басуы мүмкін
14-15 сәуір күндері облыста ауа райы күрт нашарлайды, деп хабарлайды @Pavlodarnews.kz тілшісі.
Бұл туралы төтенше жағдайлар департаментінің бірыңғай кезекші-диспетчерлік қызметі мәлімдеді.
- 14-15 сәуір күндері Павлодар облысында желдің ұйытқуы 23-28 м/с дейін жетеді. Әрі осы күндері Ертіс-Баян өңірінде қалың қар күтілуде, - делінген хабарламада.
Сонымен қатар, жұма, сенбі күндері облыста жолдар көктайғақ болып, даланы қалың тұман басады.
