Тіс емдеу  бағасы батыста — Атырау, Ақтау және Оралда қымбат, деп хабарлайды  @Pavlodarnews.kz тілшісі.

Ranking.kz орта сегменттегі стоматологиялық клиникаларда жүргізген баға мониторингінің нәтижелеріне сүйенсек, 2024 жылдың қаңтарында екі мегаполисте жоғары және терең тісжегіні емдеу құны орташа республикалық деңгейде. 

–  Мәселен, асқынбаған тісжегіні емдеу үшін алматылықтар мен астаналықтар анестезияны қоспағанда 10-13 мың теңге, терең тісжегіні емдеу үшін 20-27 мың теңге төлеуі керек. ҚР қалаларының ішінде стоматологиядағы терапевтік қызметтің осы екі түріне баға Павлодар және Көкшетау қалаларында арзан, – дейді сарапшылар.  

Қазақстанның әртүрлі қалаларындағы стоматологиялық қызмет нарығын талдау нәтижесі технологиялық жағынан кейбір облыс орталықтарының ірі қалалардан артта қалғанын көрсетті. Елордалық емханалар микроскоппен емдеу, люминерлерді орнату және импланттарға өмір бойы кепілдік беру қызметтерін ұсынса, оңтүстік қалалардағы көптеген медициналық мекемелердің әлі күнге дейін сайттары немесе әлеуметтік желілері жоқ және ең қарапайым қызметтерді тек онлайн каталогтарда жарнамалауды жалғастыруда.