Бұл – қалалық және ауылдық аймақтар, қала маңындағы трассаларға шығуға қатысты қоңыраулар, деп хабарлайды  @Pavlodarnews.kz тілшісі.

Облыстық жедел жәрдем станциясының мәліметінше,  өткен демалыс күндері орташа есеппен 103 желісіне келетін қоңыраулар саны 20-25%-ға өсті. Сын-қатерлер жеделдіктің бірінші санаты бойынша болғанына қарамастан, барлық шақыртулар бөлінген уақыт мерзімдерде пысықталды. 

– 8 наурыз күні түстен кейін 103 бригадасы бірден үш бала зардап шеккен жол-көлік оқиғасына шыққан. Назарбаев даңғылы - Толстой көшесінің қиылысында 2016, 2018 және 2021 жылы туған ұлдарды көлік қағып кетті. Олардың барлығы облыстық балалар ауруханасының жарақат пунктіне жеткізілді, – дейді станцияда. 

Бұқар жырау көшесінде болған тағы бір апатта велосипедші және көлік жүргізушісі соқтығысқан. Миы шайқалған және жамбасы көгерген 50 жастағы әйелге көмек қажет болды. Ол №1 Павлодар қалалық ауруханасына жеткізілді.

Павлодар мен Семей арасындағы Аққулы ауылының маңындағы тас жолда бірден екі ірі жол-көлік оқиғасы орын алды. 9 наурызда кешкі сағат 7-де жолда екі көлік соқтығысқан. Бірінші медициналық бригада апат туралы хабарланғаннан кейін 10 минут ішінде жетті, бірақ шақыруға екі 103 бригадасы және бір жергілікті аурухана бригадасы шықты. 

Өкінішке орай, апаттан зардап шеккендердің бірі – 50 жастағы әйел   алған жарақаттарының ауырлығына байланысты ауруханаға жатқызылғаннан кейін қайтыс болды. 2023 жылы туған ұл, 29 жастағы ер адам және 24 жастағы қыз аудандық ауруханаға жеткізілді. Өте ауыр жағдайдағы бала медициналық авиация арқылы облыстық балалар ауруханасына жеткізілді. Қалған екі науқас Павлодар қалалық №1 ауруханасына ауыстырылды.   

Екінші апат 10 наурыз күні сағат 15:30 шамасында болған. Көліктердің соқтығысуы туралы хабарға Аққулы және Шарбақты ауылдарынан жедел жәрдем бригадалары жөнелтілді. Бұл жағдайда төрт пациентке медициналық көмек қажет болды: 1970 және 2003 жылы туған әйелдер, 1951 және 1980 жылдары туған ер адамдар. Олардың барлығы Аққулы аудандық ауруханасына жеткізілді.