Депутаттар Қазақстандағы жергілікті мемлекеттік басқару және өзін-өзі басқару туралы Заңға сәйкес шешім қабылдады, деп хабарлайды  @Pavlodarnews.kz.

Елді мекен атауларын ауыстыру мәселесі облыстық мәслихаттың кезектен тыс сессиясында қаралды. Облыс әкімдігінің қаулысына сәйкес Ақсу қаласының Алғабас ауылдық округі мен Жолқұдық ауылын Қанаш Қамзин ауылдары деп қайта атау туралы ұсыныс депутаттардың  қарауына шығарылды. Успен ауданының Ольгино ауылын Қызылағаш ауылы деп өзгерту ұсынылды.

– Қайта атау туралы мәселе облыстық ономастика комиссиясының оң бағасын алды. Депутаттардан осы мәселені қарауды және қолдауды сұраймын, – деді облыстық мәдениет, тілдерді дамыту және мұрағат басқармасының басшысы Медет Тауасқан.

Облыстық мәслихат депутаттары бұл шешімді бірауыздан қолдады.