Павлодар облысында жүргізуші цистернаға құлап, мерт болды
Жазатайым оқиға жолда орын алды, деп хабарлайды @Pavlodarnews.kz.
Облыстық полиция департаменті баспасөз қызметінің мәліметінше, 8 шілдеге қараған түні «Павлодар-Қызылорда» автожолында Береке және Төртқұдық ауылдарының арасында MAN маркалы ершікті тартқыштың автоцистернасында жүргізуші қаза тапты.
– Болжам бойынша ер адам бензинді ыдысқа алуға тырысқанда цистернаға құлаған, – деді департаментте.
Полицияда Павлодар тұрғыны қаза тапқан жазатайым оқиға фактісі бойынша тексеру жүргізуде.
