Бекболат Сауырбай еңбек жолын 2003 жылы радио жүргізушісі ретінде бастаған, деп хабарлайды @Pavlodarnews.kz тілшісі.

Ол 1979 жылы 23 қаңтарда Моңғолияның Баян Өлгейінде дүниеге келген. 2002 жылы С. Торайғыров атындағы мемлекеттік университетін қазақ тілі мен әдебиеті мамандығы бойынша тәмамдаған.

Еңбек жолын 2003 жылы облыстық радиода радио жүргізушісі ретінде бастаған. 2021 жылдан бастап «Halyq Radiosy» шеф-редактор болып қызмет атқарып келеді.

«Айқын», «Аламан», «Ашық студия», «Туған тіл – мәртебем», «Тіл және отбасы», «Құт мекен Қазақстан», «Ауыл тынысы» секілді ол ұлттық руханияттың, қазақ өнері мен мәдениетінің қара шаңырағы болған бағдарламалардың жүргізушісі болып, ұлттық құндылықтарды насихаттап келеді.

Халыққа радиосы арқылы көңіл күй сыйлаған Бекболат Сауырбай елеулі еңбегі үшін көптеген Алғыс хат, грамоталар алды. Журналистер арасындағы республикалық байқаулардың жеңімпазы. Сонымен қатар өз әріптестерінің арасында үлкен құрметке ие.