Еріктілер кезекті «Донор күні» науқанын ұйымдастырып, келушілерге кішігірім сыйлықтар бермекші, деп хабарлайды @Pavlodarnews.kz тілшісі.

Науқан аясында «Тамшы» бейнесімен есте қаларлық суретке түсу, донорлық туралы ақпараттық бүктемелер тарату, имидждік білезіктерді тарату жоспарланған.

Қазіргі уақытта облыстық қан орталығында АВ (4) оң, АВ (4) теріс, O (1) оң, O (1) теріс, А (2) теріс, В (3) теріс қан топтарына донорлар қажет.

– Алда ұзақ демалыстар мен жаңа жыл күтіп тұр. Алайда донорлық қан күнделікті, сағат сайын, минут сайын, тіпті секунд сайын қажет. Барлық ниет білдірушілерді 18 желтоқсан және 27 желтоқсан күндері Облыстық қан орталығына шақырамыз. Өзіңізбен бірге жеке куәлігіңізді ала келіңіз, – дейді Қызыл жарты ай қоғамының еріктілері.

Қанды Естай көшесі, 79 мекенжайы бойынша сағат 8:30-дан 13:00-ге дейін тапсыруға болады.

Анықтама телефоны: +7(705)214-95-67.