Сот отырысы ашық түрде өтті, оған алимент төлемей жүрген басқа азаматтар да қатыстырылды, деп хабарлайды @Pavlodarnews.kz тілшісі.

Қылмыстық іс облыс прокуратурасының үйлестіруімен ҚР Қылмыстық кодексінің 139-бабы бойынша қозғалды. Тергеу барысында оның 7 миллион теңгеден астам қарызы анықталған.

– Сот отырысы ашық түрде өтіп, көрсетілімдік сипатта болды. Процеске алиментті қасақана төлемеген бірқатар тұлғалар арнайы шақыртылып, өз міндеттерінен жалтарудың салдарын көзбен көрді. Сот үкімімен айыпталушыға 6 ай мерзімге бас бостандығынан айыру жазасы тағайындалды, – деді облыстық прокуратураның баспасөз орталығы.

Прокуратура алимент төлемеу қылмыстық жауапкершілікке әкелетін ауыр құқық бұзушылық екенін еске салады. ҚК-нің 139-бабына сәйкес, мұндай әрекет үшін 2 жылға дейін бас бостандығынан айыру жазасы қарастырылған.