Қылмыстық істі Павлодар қаласының қылмыстық істер жөніндегі мамандандырылған ауданаралық соты қарады, деп хабарлайды @Pavlodarnews.kz тілшісі.

Өткен жылдың қазан айында түн ортасында жәбірленуші дүкенде сыра алу үшін кезекте тұрған кезде 33 жастағы ер адаммен танысқан. Алдымен олар ер адамның Павлов көшесіндегі үйінің ауласында ішімдік ішкен, кейін оның пәтеріне барған. Ер адамның жәбірлі өтінішімен әйел тағы да 50 грамм арақ ішуге мәжбүр болған.

Кейін екеуінің арасында жанжал туындап, жәбірленуші кетуге әрекеттенген. Алайда ер адам оны тізерлетіп, кенеттен кеуде тұсынан пышақпен соққы жасаған.

Қан көргеннен кейін қорыққан ол жедел жәрдем шақырған. Әйел пәтерден қашып шығып, үй ауласында «103» бригадасы алып кеткен. Күдікті сол күні қамауға алынды.

Сотта ол өз кінәсін толық мойындамай, пышақты байқаусызда сұғып алғанын айтқан.

Барлық дәлелдерді зерттеген сот ер адамның кінәсі толық дәлелденген деген қорытындыға келді. Жаза тағайындау кезінде сот оның жедел жәрдем шақырғанын және кінәсін ішінара мойындағанын ескерді. Ал қылмысты алкогольдік масаң күйде жасауы жауапкершілікті ауырлататын мән-жай ретінде танылды.

Сот үкімімен ол үш жыл алты айға бас бостандығынан айырылды. Жазасын орташа қауіпсіздік мекемесінде өтейтін болады.

Үкім заңды күшіне енген жоқ.