Ол бұған дейін көлік жүргізу куәлігінен айырылған, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, тәртіп сақшылары сағат 04:30 шамасында Нұркин көшесінде «Mercedes-Benz» автокөлігінің жүргізушісін тоқтатқан. Құжаттарды тексеру кезінде жүргізуші есірткі қабылдады деген күдікке ілінді. Медициналық куәландыру кезінде тәртіп сақшыларының күдігі расталды. 

– Мәліметтер базасын тексеру кезінде ер адам жүргізуші куәлігінен 2020 жылдың қыркүйегінде жеті жылға айырылғаны анықталды. Ұсталған адамға қатысты тексеру жүргізілуде, автокөлік айып тұрағына қойылды, – дейді департаментте. 

Айта кету керек, жыл басынан бері тәртіп сақшылары осыған ұқсас 237 фактінің жолын кескен.