Барлығы 226 жасөспірім күш сынасты, деп хабарлайды @Pavlodarnews.kz тілшісі.

«Батыр» спорт кешенінде грек-рим күресінен жасөспірімдер арасында жаттықтырушылар Иван және Сергей Ярмоленколардың XXVIII мемориалы ашық республикалық турнирі өтті.

–    Жарысқа Қырғызстан, Ресей, Семей, Өскемен, Петропавл, Қарағанды, Новосібір, Омбы, Қарасұқ және Май ауданынан 17 команда қатысты, – деді спорт басқармасында.

Қарағандылық спортшылар арасында Руслан Ахметов ең үздік палуан атанып, Серікбай Саят 48 келі, Ахметов Руслан +65 келі салмақ дәрежесінде жеңіске жетті. Май ауданының спортшысы Елемес Бекзат 32 келі салмақта жеңімпаз болса, Шығыс Қазақстан облысының спортшылары Арнур Қайсабеков 38 келі, Кабдылмәулет Ертіс 41 келі, баянауылдық жасөспірімдер Мейіржан Теміров 35 келі, Жанболат Әділ 44 келі, Ерсін Расул 52 келі салмақ дәрежесінде қарсыластарын жеңіп шықты.

Тереңкөлдік Серікбол Махамбет 57 келі, өскемендік Кенжалы Әлихан 62 келі салмақта жеңіске жетті. Новосібірден спортшы Михненко Тимур 68 келі салмақта топ жарды.

Жеңімпаздарға арнайы медальдар мен естелік сыйлықтар табыс етілді.