Желіде анықталған зақымдар 10 маусымға дейін жойылады, деп хабарлайды @Pavlodarnews.kz тілшісі.

Бұл туралы облыс әкімі Асайын Байханов Instagram-да өткізген түнгі тікелей эфирі кезінде мәлімдеді.

- Жылу желілерінде гидравликалық сынақтар жалғасуда. Барлық анықталған зақымдар 10 маусымға дейін жойылады. Бұл соңғы мерзім, - деді Асайын Байханов.

Ол сондай-ақ Павлодарда 1500-ге жуық көппәтерлі тұрғын үй бар екенін, оның 1450-і 5 маусымға дейін ыстық суға қосылатынын айтты.

Айта кетелік, тікелей эфирді 400-ге жуық павлодарлық тамашалады. Тұрғындар аймақ басшысына түрлі сала бойынша сұрақтарын қойды. Әсіресе, бұқараны тұрғын үй кезегі, жол мәселесі мен Екібастұздағы жылудың жайы қызықтырды.