Филармонияда өтетін кеште маэстроның жиырма туындысы орындалады, деп хабарлайды @Pavlodarnews.kz тілшісі.

Көрнекті композитор, виртуоз-домбырашы, дирижер, КСРО халық әртісі, Мемлекеттік сыйлықтың лауреаты Нұрғиса Тілендиевтің туғанына биыл жүз жыл толып отыр. Ол – 500-ден астам музыкалық шығармалардың авторы, оның ішінде әндер, күйлер, поэмалар, т.б.

Концерттік бағдарламада «Ата толғауы» оркестрлік поэмасы, «Аққу» және «Махамбет» күйлері, «Құстар әні» сияқты 20-дан астам атақты шығармалар орындалады.

Оларды ҚР еңбек сіңірген мәдениет қайраткері Талғат Кәрімов жетекшілік ететін Рүстембек Омаров атындағы Қазақ халық аспаптар оркестрі, сондай-ақ Павлодар филармониясының жетекші солистері орындайды.

Кеш қонағы – көрнекті музыканттың қызы – Нұрғиса Тілендиев атындағы «Отырар сазы» мемлекеттік академиялық фольклорлық-этнографиялық оркестрінің көркемдік жетекшісі әрі дирижері, Қазақстанның еңбек сіңірген әртісі Дінзухра Тілендиева.

Айта кетейік, Нұрғиса Тілендиев 1981 жылы Қазақстан Компартиясы Орталық Комитетінің бірінші хатшысы Дінмұхамед Қонаевтың тапсырмасымен «Отырар сазы» оркестрін басқарды. Олар сазсырная, сыбызғы сияқты қазақтың сирек кездесетін ұлттық аспаптарында ойнаған, мұндай күйшілер ол кезде оңайға соқпады.

Концерт 18 сәуір күні сағат 19:00 де Иса Байзақов атындағы облыстық филармонияда өтеді.