Жұмысты ТКШ бөлімінің мердігерлік ұйымы бір апта жүргізеді, деп хабарлайды @Pavlodarnews.kz тілшісі.

Қалалық әкімдіктің мәліметінше, Гагарин саябағындағы, жағалаудың төменгі бөлігіндегі және Аймауытов саябағындағы үш жасанды қылқан жапырақты шыршаны, сондай-ақ қаланың шағын аудандарындағы жеті металл шыршаны (Литвинов, Металлургтер, Гагарин саябақтары, ардагерлер алаңы, Достық үйі, Достық және Усолка шағын аудандары) бөлшектейді. 

Қала көшелерінен жаңа жылдық тақырыптағы шағын сәулет нысандары алынады. Ал саябақтар мен алаңдардағы түрлі жарық аркалары, қала көшелеріндегі тіректер мен ағаштардағы әдемі безендірулер қала тұрғындарын қуанта береді. 

Қысқы кезең аяқталғанға дейін барлық мұз айдындары, сырғанақтар,   қысқы қалашық жұмысын жалғастыра береді.