Арнайы жарыс Халықаралық әйелдер күніне арналды, деп хабарлайды @Pavlodarnews.kz тілшісі.

«Динамо» спорт кешені тағы бір мереке – аттас спорт қоғамының 100 жылдығын атап өтті. Қоян-қолтық ұрыстан, үстел теннисінен және Макаров тапаншасынан атудан жарыстар тек облыстық ішкі істер департаментінің әйел қызметкерлері арасында ұйымдастырылды.

Облыстық полиция департаменті арнайы және жұмылдыру дайындығы басқармасы бастығының міндетін атқарушы Владимир Ходацкий атап өткендей, форма киген 45 қыз жүлделі орындарға таласуға бел байлады. Полковник сюрприздің де сырын ашты.

- Барлық қатысушылар алған орнына қарамастан сыйлықтар алады, бірақ қыздар бұл туралы ештеңе білмейді, - деді Владимир Ходацкий. – Біздің қыздар жекпе-жектен де, командалық спорттан да тамаша нәтиже көрсетіп, республикалық және халықаралық жарыстардан көптеген жүлделі орындарға ие. Қыздар қызмет көрсетудің барлық талаптарына сай.

Осындай форма киген спортшы қыздардың бірі – Павлодар қалалық ІІД оңтүстік бөлімінің полиция старшинасы Динара Ысқақова. Мерген полицейдің Макаровтан ату жарыстарына есінде жоқ.

– Бала кезімнен полиция қызметкері болуды армандадым, атам полиция қызметкері болды, ағам да. Екі балам бар, Атамекенде тұрамын. Жолдасым мен балаларым менімен мақтанады. Жарыстарда бірінші және екінші орындарға ие болдым. Барша қыз-келіншектерге зор бақыт, жұмыстарына табыс, ең бастысы балаларының ауырмауын тілеймін, – деді Динара Ысқақова.

Динара Ысқақова күнделікті жұмысында қарумен жұмыс істейді. Бірақ, бақытына орай, ол қызмет бабымен оқ атып көрген емес.

Ханымдарға арналған жарыста «ТИГР» облыстық қоян-қолтық ұрыс федерациясының өкілдері өнер көрсетті. Жауынгерлер өзін-өзі қорғау әдістерін, соның ішінде қарулы жаудан қорғануды да көрсетті.