20 ақпан күні Павлодарда облыстық полиция департаментінің басшылығы павлодарлықтармен есептік кездесу өткізеді, хабарлайды @Pavlodarnews.kz.

Шара сағат 11:00-де «Шаңырақ» концерт залында (Торайғыров көшесі, 48) өтеді. Кездесу барысында Павлодар облысы Полиция департаментінің бастығы, полиция генерал-майоры Вячеслав Скляр 2025 жылғы және 2026 жылдың қаңтар айындағы қызметтік жұмыс қорытындылары туралы есеп береді.

Кездесу тұрғындармен ашық форматта өтіп, қатысушылар құқық қорғау органдарының жұмысына қатысты өз сұрақтарын қойып, ұсыныстарын білдіре алады.

Анықтама телефоны: 8 (7182) 39-12-94.