Полиция қылмыстық іс қозғады, деп хабарлайды @Pavlodarnews.kz.

31 тамызда Павлодар қаласындағы «Жайлау» базарында жалға алушы ер адам өзін-өзі өртеуге тырысқаны анықталды.

Алдын ала мәліметтер бойынша, бұл әрекеттің себебі жалдау ақысына байланысты мәселелер болды.

Оқиға орнында полиция қызметкерлері әкімшілікпен бірлесіп дереу қауіпсіздік шараларын қабылдап, жедел жәрдем бригадасын шақырды.

–  Ер адаммен құқық қорғау органдарының қызметкерлері әңгімелесті. Қазіргі уақытта жағдай тұрақтанды, – деп хабарлады облыстық полиция департаментінде.

Болған оқиғаның мән-жайы тергеу барысында анықталатын болады.