Павлодарда жеті жүзге жуық жүргізуші бағдаршамның қызыл түсін елемеген
Олар ереже бұзғаны үшін айыппұл алды, деп хабарлайды @Pavlodarnews.kz тілшісі.
Павлодар облыстық полиция департаментінің статистикалық мәліметтеріне сәйкес, ағымдағы жылдың басынан бері бағдаршамның қызыл түсіне өтіп кеткен 693 тұрғын жауапкершілікке тартылған.
Мәселен, облыс орталығында Жібек жолы мен Малайсары батыр көшелерінің қиылысында «Lexus» көлігін басқарған жүргізуші бағдаршамның қызыл түсіне өтіп кеткен. Жүргізуші жауапкершілікке тартылып, оған 10 АЕК немесе 39 320 теңге айыппұл салынды.
