Естай атындағы мәдениет сарайында өткен жылдағы спорттық жетістіктер қорытындыланды, деп хабарлайды @Pavlodarnews.kz.

Салтанатты іс-шарада павлодарлық үздік спортшылар, былтырғы чемпионаттардың жеңімпаздары марапатқа ие болды. Қала әкімі Хасар Хабылбеков спортшыларға еңбектері мен жоғары жетістіктері үшін алғысын білдіріп, барлық жаттықтырушылардың зор еңбек сіңіргенін ерекше атап өтті. Алғыс хаттар мен төсбелгілер халықаралық, республикалық жарыстарда жоғары нәтижелерге қол жеткізген спортшылар мен олардың тәлімгерлеріне табысталды.

Хасар Хабылбеков алдағы уақытта спортты дамыту және қолдау жұмыстары жалғасатынын атап өтті. Биыл Павлодарда 12 шағын футбол алаңы, 25 стритбол алаңы, 25 ашық аспан астындағы жаттығу құрылғыларын, 30 стрит-воркаут және 10 шахмат алаңын салу жоспарлануда.

Фото: Павлодар қаласының әкімдігі ұсынды