Іс-шара аясында «Қыр баласы» қоғамдық қорының кітаптары таныстырылып, соңғы шыққан тоғыз кітаптың тұсаукесері өтеді, деп хабарлайды @Pavlodarnews.kz.

27 қарашада сағат 15:00-де С.Торайғыров атындағы облыстық кітапханасында қазақтан шыққан тұңғыш академик, геолог-ғалым Қаныш Сәтбаевтың 125 жылдық мерейтойы аясында «Алаш – ұлтты оятқан рухты сөз» атты шарасы өтеді.

Іс-шараны «Ақ жол» демократиялық партиясының облыстық филиалы мен Алаш бағытындағы «Қыр баласы» қоғамдық қорының «Кереку» өкілдігі ұйымдастырып отыр. 

Оның аясында Қаныш Сәтбаев феномені, «Иман-Ислам» Нұғыман Манайдың өмірі мен шығармашылығы, «Ғазымбек Бірімжан»-өмірі мен шығармашылығы, «Жетісудағы алаш тарихы» - Жаркент іздері, Ахмет Байтұрсынұлының нақыл сөздері, Міржақып Дулатұлының нақыл сөздері, Халел Досмұхамедұлының нақыл сөздері, Мұстафа Шоқайдың нақыл сөздері, Әлихан Бөкейханның нақыл сөздері атты кітаптардың тұсаукесері өтеді.