Бұған дейін оған бас бостандығынан айырмай түзеу мүмкіндігі берілген, деп хабарлайды @Pavlodarnews.kz тілшісі.

Сотталған әйелге қатысты үкім Павлодар қаласының №2 сотында, Павлодар ауданының пробация қызметінің қатысуымен жария түрде шығарылды.

– Бұған дейін бас бостандығынан айырмай түзеу мүмкіндігі берілді. Алайда сынақ мерзімінде ол сот белгілеген міндеттерді бірнеше рет бұзып, заң талаптарына немқұрайлы қараған, – деді Павлодар облысы бойынша қылмыстық-атқару жүйесі департаментінде. 

Ашық форматта өткен сот отырысы басқа есептегі азаматтарға заң талаптарын орындаудың және өз іс-әрекетіне жауапты болудың маңыздылығын көрсетуге мүмкіндік берді.

– Мұндай сот процестері тәрбиелік мәнге ие. Олар сотталғандарға өз әрекеттерінің салдарын түсінуге және заңға жауапкершілікпен қарау ғана қалыпты өмірге оралуға мүмкіндік беретінін ұғынуға көмектеседі, – деді пробация қызметінің өкілдері.

Іс-шараның мақсаты – қайталанған құқық бұзушылықтардың алдын алу және бас бостандығынан айырумен байланысты емес жаза өтеп жүрген азаматтардың құқықтық санасын арттыру.

Павлодар ауданының пробация қызметі заңды құрметтеу мен құқық бұзушылыққа жол бермеу бағытында жұмысын жалғастыруда.