Жаяу жүргіншілер де барынша сақ болуы тиіс, деп хабарлайды @Pavlodarnews.kz.

Павлодар полициясы қала тұрғындарына жүргізушілер мен жаяу жүргіншілерге қысқы кезеңде жол қозғалысы қауіпсіздігін сақтауға шақырады. Ауа температурасының төмендеуі, қалың қардың жауу және көктайғақтың пайда болуы жол жағдайын күрделендіріп, барлық жол қозғалысына қатысушылардан барынша мұқият болуды талап етеді.

Полиция қызметкерлері жүргізушілерге белгіленген жылдамдық режимін сақтауды, көлік құралдары арасындағы қашықтықты ұлғайтуды, күрт маневрлерден аулақ болуды және жазғы дөңгелектерді қысқысына уақтылы ауыстыруды еске салады. Сондай-ақ автокөліктің техникалық жағдайына, тежегіш жүйесінің және жарық беру құралдарының жұмыс істеуіне ерекше назар аудару ұсынылады.

Жаяу жүргіншілер жолды тек белгіленген жерлерден өту, қараңғы уақытта жарық шағылыстыратын элементтерді пайдалану және қауіпсіз екеніне көз жеткізбей жолдың жүріс бөлігіне шықпау қажет.

Жол-көлік оқиғаларының алдын алу мақсатында полиция жол қозғалысы ережелерінің сақталуына бақылауды күшейтіп, профилактикалық рейдтік іс-шаралар мен халық арасында түсіндіру жұмыстарын жүргізуде.

Полиция деректеріне сәйкес, жыл басынан бері Павлодарда жаяу жүргіншілердің қатысуымен 232 жол-көлік оқиғасы тіркелген. Жол қозғалысы ережелерін бұзғаны үшін алты мыңнан астам жаяу жүргінші, сондай-ақ жаяу жүргіншілердің қауіпсіздігіне қатер төндірген 250-ден астам жүргізуші әкімшілік жауапкершілікке тартылды. 

Полиция қала тұрғындарын қауіпсіздік мәселелеріне жауапкершілікпен қарауға және жол қозғалысы ережелерін сақтау қыс мезгілінде өмір мен денсаулықты қорғаудың басты кепілі екенін еске салады.