Қойылым XVIII ғасырдағы тарихи оқиға – үш жүздің құрылтайға жиналуына арналады, деп хабарлайды @Pavlodarnews.kz тілшісі.

«Ertis» музейінің хабарлауынша, дәл осы жерде өтетін шарада Ордабасыдағы Құрылтай қазақ халқының бірлігінің символы ретінде қарастырылады. Сол кезеңде Ұлы жүз, Орта жүз және Кіші жүз өкілдері жоңғар шапқыншылығынан даланы қорғау үшін күш біріктіру туралы шешім қабылдаған.

– Көрермендерге белгілі тарихи тұлғалардың қатысуымен оқиғалардың реконструкциясы ұсынылады. Олардың қатарында Әбілқайыр хан, Абылай хан, Төле би, Қазыбек би, Әйтеке би, сондай-ақ батырлар Бөгенбай мен Қабанбай бар, – деп хабарлайды музей өкілдері.

Қойылымның шарықтау шегі – үш жүздің бірігуі және ортақ әскери басшылықты сайлау туралы шешімнің қабылдануы болады.

Ұйымдастырушылардың айтуынша, іс-шара тарихи мұраны насихаттауға және патриоттық құндылықтарды нығайтуға бағытталған.

Шара 10 наурыз күні сағат 13:00-де өтеді. Қойылымды қала тұрғындары мен қонақтары тамашалай алады.