Павлодарлықтарды кешкі серуендерден уақытша бас тартуды сұрайды
Шыбын-шіркейге қарсы өңдеу жұмыстары жүргізіледі, деп хабарлайды @Pavlodarnews.kz.
Қалалық әкімдіктің мәліметінше, 19 мамыр мен 5 маусым аралығында Орталық жағалауда маса мен шыбын-шіркейге қарсы дезинсекциялық-бөгеттік өңдеу жұмыстары жүргізіледі. Өңдеу жұмыстары жұмыс күндері сағат 20:00-ден 22:00 аралығында өтеді.
Сонымен қатар, Орталық жағалауда күн сайын түнгі уақытта, сағат 00:00-ден 04:00-ге дейін өңдеу жүргізіледі.
Әкімдік көрсетілген уақытта жағалауға бармауға және сақтық шараларын сақтауға шақырады.
