Қыздар арасында өткен Еуропа олимпиадасының қорытындысы шықты, деп хабарлайды @Pavlodarnews.kz тілшісі.

«Ертіс дарыны» өңірлік қосымша білім беру  оқу-әдістемелік орталығының мәліметінше, Грузияның Цхалтубо қаласында қыздарға арналған математика пәні бойынша Еуропалық олимпиада өтті (European Girls' Mathematical Olympiad). 

– Оған әлемнің 60 елінен 240 оқушы қатысты. Биылғы оқу жылында төрт адамнан тұратын команда құру үшін ағымдағы жылдың 13-15 ақпанда іріктеу кезеңі өткізілді. Оның қорытындысы бойынша дарынды балаларға арналған № 8 мектеп-лицейінің 11-сынып оқушысы Анастасия Одинцова республиканың құрама командасының  Еуропа Олимпиадасына қатысуға жіберілді, – дейді орталықта. 

Жарыс нәтижесінде дарынды Анастасия Одинцова күміс медальге ие болды. Мұғалімі – Л.В. Стадникова.