Алматыда информатикадан XVI Еуразиялық олимпиада аяқталды, деп хабарлайды @Pavlodarnews.kz.

Сайыс Халықаралық ақпараттық технологиялар университеті (IITU) базасында өткізілді және оған Қазақстан, Қырғызстан, Өзбекстан және Тәжікстаннан 230-дан астам оқушы қатысты. Іс-шараға Орталық Азиядан 77 команда қатысуы аймақ жастарының ақпараттық технологиялар саласына деген қызығушылығының жоғары екенін көрсетеді.

Олимпиаданың екі күндік бағдарламасы қатысушыларға бағдарламалау дағдыларын дамытуға, логикалық және аналитикалық ойлау қабілеттерін жетілдіруге, сондай-ақ осы білімдерді нақты мәселелерді шешуде қолдануға бағытталды.

Облыстық білім беру басқармасының мәліметінше, олимпиада қорытындысы бойынша дарынды балаларға арналған «Білім-Инновация» лицей-интернатының  10-сынып оқушысы Әділ Ермек ҚР Оқу-ағарту министрлігінің I дәрежелі дипломымен және алтын медалімен марапатталды.

39 жүлдегер II дәрежелі дипломдармен, күміс медальдармен және 54 қатысушы III дәрежелі дипломдармен және қола медальдарға ие болды.