Бұл 16-18 жас аралығындағы 9-10-сынып оқушылары туралы, деп хабарлайды @Pavlodarnews.kz тілшісі.

Облыстық кәсіпкерлер палатасы баспасөз қызметінің мәліметінше, мектеп оқушыларын жазғы демалыс кезінде облыстың еңбек ұжымдарында жұмыс орындарымен қамтамасыз ету көзделіп отыр. Мұндай жұмыс Қазақстан Президенті Қасым-Жомарт Тоқаевтың жастарды еңбекке тарту тапсырмасына байланысты жүргізілуде.

– Республиканың еңбек заңнамасы 16 жасқа толған азаматтармен еңбек шартын жасасуға мүмкіндік береді. Бұл ретте шарт 16 жасқа толған азаматтармен, олар орта білім беру ұйымында негізгі орта, жалпы орта білім алған жағдайда, сондай-ақ оқудан бос уақытында денсаулығына зиян келтірмейтін және оқу процесін бұзбайтын жұмысты орындау үшін 14 жасқа толған оқушылармен жасалуы мүмкін. Кәмелетке толмағандармен бірге еңбек шартына оның заңды өкілдерінің бірі қол қоюға тиіс, – деп түсіндірді баспасөз орталығында.

18 жасқа толмаған жұмыскерлер үшін жұмыс уақытының қысқартылған ұзақтығы белгіленеді: 

• 14-16 жас аралығындағы жастар үшін – аптасына 24 сағаттан аспайды;
• 16-18 жас аралығындағы жұмыскерлер үшін – аптасына 36 сағаттан аспайды.

14 жасқа толған азаматтар, егер олар зиянды, қауіпті және ауыр еңбек жағдайларында болмаса, алкоголь саудасынсыз даяшы; ас үй жұмысшылары; қолөнершілер (көкөніс қоймаларында, көкөністерді іріктеуде, қандай да бір білім мен біліктілік талап етілмейтін кескіндеме сияқты жөндеу жұмыстарында); жем дайындаушылар; малшылар; шопандар; сауыншылар; химиялық өңдеусіз егістіктерді арамшөптен тазартуға жұмысшылар; улы химикаттармен жұмыс істемейтін көгалдандырушылар; трактористтің (оқушылары) көмекшілері ретінде жұмысқа қабылдануы мүмкін.

Осындай жұмысты қолға алғысы келетін жастар, сондай-ақ осы балаларды жұмысқа алуға дайын кәсіпорындар Павлодар облысы Кәсіпкерлер палатасына 66-03-11 (ішкі 5553) телефоны арқылы немесе a.abylgazina@atameken.kz электронды поштасы арқылы хабарласа алады.