Екі мекемеде сынақтар сәтсіздікке ұшырады, деп хабарлайды @Pavlodarnews.kz.

Облыстық орман шаруашылығы және жануарлар дүниесі аумақтық инспекциясы қызметкерлері орман және табиғатты қорғау мекемелерімен бірлесіп, өртті ерте анықтау жүйесінің жоспарлы сынақтарын жүргізді. 

Төрт мекемеде орнатылған жабдықтың жеделдігі мен сенімділігін тексеру мақсатында жасанды өрт ошақтары имитацияланды.

«Ертіс орманы» мемлекеттік орман табиғи резерватында тепловизорлармен жабдықталған жаңғыртылған жүйе жоғары тиімділігін көрсетті: камераның көру аймағына түскеннен кейін өрт ошағы 10 минуттық толық шеңберлі шолу барысында іс жүзінде бірден тіркелді. 

Инспекция мекемесінде қолданыстағы биік нысандар базасында орнатылған және «Кар-Тел» ЖШС (Beeline Business ТМ) байланыс операторы арқылы жұмыс істейтін жүйе де қанағаттанарлық нәтижелер көрсетті: өрт ошағын анықтау уақыты 10 минуттан аспады.

Сонымен қатар, Үрлітүп орман және жануарлар дүниесін қорғау жөніндегі мекемесінде жабдық өрт ошағын айтарлықтай кешігумен тіркеді, ал Максим Горький мекемесінде жасанды түрде жасалған өрт ошағы мүлдем анықталмады. 

– Бұл өзге себептермен қатар, тепловизорлардың болмауына және камералардың қара түтінді мен ашық жалынды тану мүмкіндігінің шектеулілігіне байланысты болды, – деді инспекцияда.

Алынған нәтижелер уәкілетті органға жолданды. Олардың қорытындысы бойынша жүйенің жұмысын жаңғырту және оның сапасын арттыру жөнінде ұсыныстар дайындалады.