Оқушылардың көктемгі демалысы 2025 жылдың 21-31 наурызы аралығында өтеді, деп хабарлайды @Pavlodarnews.kz тілшісі. 

Мектептегі каникул кезінде қала мектептерінде және қосымша білім беру ұйымдарында іс-шаралар жоспарланған. Жұмыспен қамтудың барлық түрімен 45 мыңнан астам студент қамтылады.

М.Шамсутдинова атындағы мұражай үйіне, планетарийге экскурсиялар, Ш. Айманов атындағы кинотеатр және Г.Н.Потанин атындағы тарихи-өлкетану мұражайына экскурсия ұйымдастырылды. 25 мыңнан астам оқушы қызығушылықтары бойынша спорттық үйірмелерге, секцияларға, спорттық шараларға, клубтарға барады. 

Мереке күндері балалардың еліміздің көрікті жерлерін аралау үшін экскурсияға шығуы дәстүрге айналған. № 21 орта мектеп оқушылары елордаға, № 17 орта мектеп оқушылары Алматыға экскурсияға барады. Экология және туризм балалар-жасөспірімдер орталығының тәрбиеленушілері Талдықорған қаласында өтетін «Көкжиек – 2025» туристік жабық көпсайыс бойынша республикалық кубок жарыста бақ санайды.

«Жігер» балалар-жасөспірімдер клубының аулалық клубтарында 3000-нан астам баланың қатысуымен қызықты «Көңілді старттар», қауіпсіздік бойынша квест жарыстары, «Наурыз күпиялары» квесттері өтеді.

Павлодар балалар көркемсурет мектебінде композициялық жұмыстар, сурет салу, модельдеу бойынша шығармашылық күндер ұйымдастырылады.

Павлодар қалалық білім беру бөлімі «Павлодар дарыны» жұмыспен қамту және дарынды балаларды дамыту орталығы салауатты тамақтануды насихаттау бойынша «Салауатты мектеп» жобасы аясында мектептердің шағын аудандарында 9-сынып оқушыларының қатысуымен денсаулыққа пайдалы салаттар дайындау бойынша «Аспаздық мектеп» байқауын өткізеді.

Балалар музыка мектебінде «Музыкалық басқатырғыш» байқауы мен «Наурыз – жаңа өмір бастауы» челленджін өткізу жоспарлануда. Балалар техникалық мектебі студенттердің каникулдағы жұмысын «Жас шеберлер галереясы» атты шығармалар көрмесімен қорытындылайды.