Тәртіп сақшылары қарапайым ережелерді сақтауды ұсынады, деп хабарлайды @Pavlodarnews.kz.

Жыл басынан бері өңірде 787 ұрлық дерегі тіркелді, оның ішінде ұялы телефон 155 рет, велосипед 146 рет ұрланса, пәтер ұрлығының 58 фактісі, мал ұрлығының 41 жағдайы, автокөлік салонынан 21 ұрлық тіркелсе, 5 рет қалта ұрлығы болды. 

– Пәтерден шыққан кезде әрқашан барлық терезелер мен есіктерді тексеріңіз. Кіреберіс есіктер мен қауіпсіздік дабылдарына сенімді құлыптарды орнатыңыз, кілтті оңай және қол жетімді жерде қалдырмаңыз. Бағалы заттарды сөмкенің орталық бөлігіне, басқа нәрселердің арасына салыңыз. Пластикалық картаңыздың PIN коды бар жазбаны әмияныңызда сақтамаңыз, – деді облыстық полиция департаментінде.

Сондай-ақ, сізге жақындауға тырысатын, артыңызда немесе жаныңызда тұрған адамдарға назар аударыңыз. Жеке заттарды қараусыз қалдырмауға тырысу керек. 

– Ломбардтарда, жәрмеңкелерде сізге ұсынылатын заттарды, техника мен құрылғыларды құжаттарсыз сатып алмаңыз. Ұялы телефоныңызды бейтаныс адамдарға бермеңіз. Мүліктің қауіпсіздігін қамтамасыз ету үшін арнайы құлыптау құрылғысын пайдаланыңыз, – деді ведомствода.

Көлікті ешқашан ашық есіктермен және кілтті тұтану қосқышында қалдырмаңыз, шығыңыз, есіктерді жабыңыз немесе құлыптаңыз. Салонда өз мүлкіңізді қалдырмаңыз. 

Сондай-ақ, полицейлер халыққа сіздің шаруашылықтарыңыздағы малдың сақталуын бақылауды күшейту туралы өтінішпен жүгінеді. Жануарларды есепке қойып, малдың әр басын таңбалаңыз. Малды шабындықтар мен жайылымдарға айдау кезінде оны қараусыз қалдырмаңыз, әсіресе автомобиль жолдарының жанында: үй жануарларының жол апаттарына ұшырауы сирек емес.