Кітапханаларда, музейлерде тақырыптық көрмелер  шығармашылық  дәрістер, кездесулер, шеберлік сағаттар мен көрмелер  ұйымдастырылады, деп хабарлайды @Pavlodarnews.kz тілшісі.

Бұл туралы облыстық мәдениет, тілдерді дамыту және архив ісі басқармасының басшысы Медет Тауасқан мәлім етті. 

- 8 наурыз Халықаралық әйелдер күнін мерекелеу қоғамдағы бірлік пен келісімді, тұрақтылықты нығайтуға бағыттау мақсатында облыс бойынша мыңға жуық  іс-шаралар ұйымдастырлады. 4 наурыз күні Н.Нұрмұхаммедов атындағы Павлодар облыстық көркемсурет музейінде «Әйел-әлемді жарыққа бөлейтін рух пен шабыттың бастауы» атты әйел суретшілері Галина Беспалова, Ольга Ловина, Алтын Кисамиденованың  қатысуымен мастер-класс, кездесу кеші өтеді, - деді ол. 

Сол күні Екібастұз қаласында «Өнер» мәдениет срайында Ертіс-Баян театрының екінші премьерасы қойылады.  

5 наурыз күні С.Торайғыров атындағы облыстық әмбебап ғылыми кітапханасы «Сұлулық сыры-әйел әшекейінде» кітап көрмесі жоспарланған. 

6 наурыз күні Г.Н. Потанин атындағы Павлодар облыстық тарихи-өлкетану музейінде бизнесте, креативті индустрияда және цифрлық салаларда өз жобаларын дамытатын әйелдердің қатысуымен «Әйелмен әлем әдемі»атты ашық микрофон ұйымдастырылады. 

8 наурыз күні  Иса Байзақов атындағы облыстық филармонияда концерт, 

Батыр молл сауда кешенінде «Шаңырақ» облыстық орталығының мерекелік концерттік бағдарламасы ұсынылады. Сондай-ақ, Жүсіпбек Аймауытов атындағы қазақ музыка-драма театрында (8 наурыз)  және  А.П. Чехов атындағы облыстық драма театрында (6-7-8 наурыз) комедиялар қойылады.

Халықаралық әйелдер күніне арналған салтанатты жиын Естай атындағы мәдениет сарайында 6 наурыз өткізу жоспарланған. Мәдениет сарайының фойесінде облыстық музейлермен көрме қойылады.

- Көрермендер залында өтетін «Бар сұлулық әйелде» концерттік бағдарламаның болжамды басталуы уақыты сағат 11.00-11:30-да. Концерттік бағдарлама барысында облыстық Иса Байзақов атындағы филармонияның әртістері, Ж.Аймаутов атындағы қазақ музыка-драма театрының актерлары мен арнайы шақырылғын эстрада әншілері Жанболат пен Жазира өнерлерін көрсетеді, - деді Медет Тауасқан. 

Екібастұз қаласында «Әлемге нұр сыйлаған аналар»  салтанатты жиын 6 наурыз күні «Өнер» мәдениет сарайында өтеді. 

Ақсу қаласында «Мейірім мен махаббат иесі – Ана» салтанатты жиын 6 наурыз күні С. Дөнентаев атындағы мәдениет сарайында ұйымдастырыладыү

5-8 наурыз күні қалалар мен аудандарда жоспарға сәйкес мерекелік концерттер өтеді.