Олар бұл мүмкіндікке Астана педагогикалық шеберлік орталығымен ынтымақтастық аясында ие болды, деп хабарлайды @Pavlodarnews.kz.

ҚР Ғылым және жоғары білім министрлігі баспасөз қызметінің мәліметінше, Әлкей Марғұлан атындағы Павлодар педагогикалық университетінің қызметкерлері Ұлыбританияның әлемге әйгілі Кембридж университетінің Homerton college-де оқу курсынан өтті.

– Қосымша білім беру институтының директоры Роза Жаева және гуманитарлық ғылымдар жоғары мектебінің доценті Бибігүл Нығметова жоғары оқу орнынан кейінгі білім беру бағдарламасын әзірлеу бойынша шетелдік ғалымдардың озық тәжірибесімен танысты, – делінген хабарламада.

Курс аясында Кембридж университетінің білім беру факультетінің профессоры Элейн Уилсон білім берудің халықаралық үлгілерін, мұғалімдерді қайта даярлау бағдарламары мен оқыту бағдарламаларын әзірлеудің тиімді әдістерімен таныстырды.