Бұған дейін «Ertis» құрамын біршама күшейтті, деп хабарлайды @Pavlodarnews.kz тілшісі.

Желтоқсан айында павлодарлықтар өз сапына Теннессиден келген америкалық Зивен Кларкты қосты. Бұған дейін легионер АҚШ-тың «King University» ұжымында өнер көрсеткен. Ойын позициясы қорғаушы. «Ertis» үшін янки «Алматинский Легион» командасына қарсы екі кездесу өткізіп, барлығы 29 ұпай жинады. Оның жаңа командасы екі ойында да 90:70 және 102:89 есебімен жеңіліп қалды.

Павлодарлық команда америкалықтан бөлек, негізгі командаға екінші құрамнан Алмас Қайроллов, Әлихан Акбаров және Илья Онищенконы қосты.

15 және 16 қаңтарда «Ертіс» Алматыда Ұлттық лиганың көшбасшысы «Irbis-Alatau» командасына қарсы ойнайды. Ойындар сағат 20:00-де басталады. Павлодарлық команданың өнерін Ұлттық баскетбол федерациясының YouTube-тегі ресми арнасынан көруге болады.