Қаланың 31 жалпы білім беретін мектебінде мектеп жанындағы лагерьлер жұмысын бастады, деп хабарлайды @Pavlodarnews.kz тілшісі.

Павлодар қаласы білім беру бөлімінің жазғы каникул кезеңінде оқушыларды демалыспен, бос уақытпен және жұмыспен қамту бойынша жұмыс жоспарына сәйкес, ұзақтығы 15 күн болатын екі маусымда күндізгі болатын мектеп жанындағы лагерьлер жалпы саны 15 мыңнан астам оқушыны қамтитын 1-4-сынып оқушылары үшін жұмыс істейді.  

Осылайша, қаланың экологиялық бағыттағы № 36 мектебінде 1-4 сыныптардың 200 оқушысына арналған «Эко планета - 36» деп аталатын жазғы маусымда бірінші ауысымының барлық балалары лагерьдің өзі сияқты флора мен фаунаға байланысты атаулармен аталатын «Дельфиндер», «Пингвиндер», «Бақпақтар», «Апельсиндер», «Құрттар», «Тиіндер», «Жарық қоңыздар», «Табиғат достары» жасақтарына бөлінген.

– Жоғары сынып оқушылары үшін бейіндік жасақтар ұйымдастырылды. Бейіндік лагерь – балалар экология, экологиялық жауапкершілік және тұрақты даму әлеміне енетін бірегей орын. Мұнда әр қатысушы өзінің әлеуетін ашып, табиғатты сүюді және оған қамқорлық жасауды үйрене алады, –  деді  мектеп басшының орынбасары Зоя Русакова.

Балалар үшін лагерьде күн сайын қызықты іс-шаралар өтеді: театр қойылымдары, спорттық ойындар, шеберлік сағаттары, экскурсиялар, конкурстар мен викториналар. Лагерь бағдарламасында табиғатқа саяхат, ашық ауада жаттығу, экология және табиғатты қорғау сабақтары атты экологиялық іс-шаралар маңызды рөл атқарады. 

– Біз балаларымызға жарқын әсерлер мен жаңа білімге толы ұмытылмас демалыс ұсынамыз. Мұнда әркім өзіне қызықты және пайдалы нәрсе табады. Бұл – балаларға демалуға және уақытты тиімді өткізуге ғана емес, сонымен бірге нағыз табиғатты қорғаушы болуға мүмкіндік, – деді мектеп басшысы Рифкат Мұратов.

Айта кетейік, мектеп жанындағы лагерьлердің бірінші маусымы 3-21 маусым аралығында өткізіледі, екінші маусым 24 маусым мен 12 шілде аралығында жоспарланды. Мектеп жанындағы лагерьлердегі оқушылар үш реттік тамақтанумен қамтамасыз етіледі. Жолдама құны бір балаға 14160 теңгені немесе күніне 944 теңгені құрайды.