Қала әкімі Хасар Хабылбеков тұрғындарымен есепті кездесуді өткізді, деп хабарлайды @Pavlodarnews.kz.

Кездесу барысында Мойылды ауылының әкімі биыл атқарылған жұмыстар туралы есеп берді. Ауылда бірқатар абаттандыру шаралары жүзеге асырылды: ауыл зиратына баратын жолға қиыршық тас төселді, көше жарығының 40 шамы ауыстырылды. Тұрмыстық қатты қалдықтарға арналған бес жаңа контейнер алаңы орнатылып, аялдама павильоны жаңартылды.

Демеушілердің қолдауы есебінен №47 балабақшаның қасбеті жаңартылды. Келесі жылға №38 орта мектептің жанындағы футбол алаңын және тротуарларды жөндеу, сондай-ақ №47 балабақшаға спорт алаңын орнату жоспарланған.

Кездесу барысында тұрғындар әлеуметтік сала және жер телімдерін бөлу мәселелерін көтерді.

Барлық сұрақтар бойынша түсініктеме беріліп, жекелеген мәселелер бақылауға алынды.