Шараға 14 пен 35 жас аралығындағы шамамен 20-ға жуық волонтер қатысты, деп хабарлайды @Pavlodarnews.kz тілшісі. 

Жастар «Volunteer PVL» жобасы аясында өткен «ЭКО серуен» шарасында экологияны қорғауға арналған ойындар мен тазалық жұмыстарына қатысты. Ұйымдастырушылардың айтуынша, мұндай акциялар бір реттік емес, тұрақты түрде игі дәстүрге айналған.

– Біз үнемі қала ішінде де, табиғат аясында да санитарлық тазалық жұмыстарын жүргізіп келеміз. Бұл жолғы мақсатымыз – жастарды табиғатты қорғауға шақырып қана қоймай, оларды осы бағыттағы нақты әрекеттерге баулу, – дейді Жастар бастамаларын дамыту орталығының өкілі Анастасия Егорович. 

«ЭКО серуен» сынды іс-шаралар жастардың табиғатқа деген көзқарасын өзгертіп, экологиялық жауапкершілікті арттыруға жол ашады. Волонтерлік пен экологиялық мәдениетті ұштастыра отырып, мұндай бастамалар болашақта таза әрі жасыл орта қалыптастыруға негіз қалайды.