Құқық бұзушы айыппұл арқалады, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, Қамзин көшесі, 178 мекенжайында «Hyundai» маркалы автокөлігінің жүргізушісі «параллельді тұрақ» жол белгісін елемеген.

– Жол белгілері немесе жол жүріс бөлігінің таңбаларындағы талаптарды сақтамағаны үшін құқық бұзушы әкімшілік жауапкершілікке тартылып, оған айыппұл салынды, – делінген хабарламада.

Айта кетерлігі, жыл басынан бері осындай құқық бұзушылық жасағаны үшін 893 жүргізуші әкімшілік жауапкершілікке тартылды.