Әркім өз әрекеттері мен олардың салдары туралы ойлану қажет, деп хабарлайды @Pavlodarnews.kz тілшісі.

Тәртіп сақшылары дұрыс әрекеттер қоғамды жақсы жаққа өзгерте алатынына сенімді.

– Әркім өз әрекеттері үшін міндетті түрде жауап беретінін білуі тиіс. Біз азаматтарға, жүргізушілерге, жаяу жүргіншілерге, ата-аналар мен кәмелетке толмағандарға, біздің өңірдегі шетелдік азаматтарға ел заңнамасын қатаң сақтау қажеттігі туралы үнемі еске саламыз. Жазаның мысалдары мен санкцияларын келтіреміз, заңнаманың талаптарын, олардың салдарын түсіндіреміз. Полицияның ескертулеріне қарамастан, құқық бұзушылар бұл талаптарды елемей, жауапкершілікке тартылғандардың қатарына түсуде, – деп хабарлады облыстық полиция департаментінің баспасөз қызметі. 

Полицейлердің айтуынша, дұрыс әрекет – бұл заңды сақтау ғана емес, сонымен бірге көршілерге қамқорлық жасау, айналасындағыларды құрметтеу және әділеттілікке ұмтылу.

Тәртіп сақшылары әрқайсымыз қауіпсіз және достық ортаны құруда маңызды рөл атқара алатынымызды еске салады. 

– Қарапайым нәрселерден бастайық: мейірімділік таныту, мұқтаж адамдарға көмектесу, басқалардың пікірін құрметтеу және біздің қоғамдастыққа белсенді қатысу. Өзгерістер өзімізден басталады. Өзара көмек пен құрметке негізделген жақсы атмосфера өздігінен жасалмайтынын, бірақ әрқайсымыздан белсенді әрекеттерді қажет ететінін есте ұстауымыз керек, – деді ведомствода.

Еске сала кетейік, акция ішкі істер органдары қызметінің негізі болып табылатын «Заң және тәртіп» қағидатын іске асыру шеңберінде өткізіледі. Қағидат азаматтардың қауіпсіздігін қамтамасыз етуге, аймақтағы қоғамдық тәртіп пен жол қауіпсіздігін қолдауға бағытталған.