Тәртіп сақшылары қозғалысы күдік тудырған ВАЗ-2107 автокөлігін тоқтатты, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, куәландыру нәтижесі 40 жастағы жүргізушінің каннабиоидтарды қолдану салдарынан есірткіге мас күйінде көлік жүргізгенін растады. 

– Жүргізуші жауапқа тартылды. Сот жүргізушіні жеті жыл мерзімге көлік құралын жүргізу құқығынан айырды, – деді Ақсу қаласы жергілікті полиция қызметінің бастығы Айдын Жүнісов.

Сондай-ақ 15 тәулік мерзімге әкімшілік қамауға алынды.