Ақсуда жанып жатқан үйден екі газ баллоны шығарылды
Оқиға орнына бірден екі өрт сөндіру техникасы жіберілді, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, 15 қыркүйекте сағат 12:20-да Зеленая көшесінде өрт шыққаны туралы хабарлама түскен.
– Екі қабатты тұрғын үй отқа оранып, үй заттары мен жиһаздардың жанып жатқандығы анықталды. Өрт сөндірушілердің күшімен 27 литрлік екі газ баллоны сыртқа шығарылды. Зардап шеккендер жоқ. Үйдің иелері сыртта болған, – дейді департаментте.
Тілсіз жау сағат 14:04-те толықтай жойылды
Оқиға орнында жеке құрамнан алты адам және екі техника жұмыс істеді.
