Іс-шараның соңы дискотекамен аяқталады, деп хабарлайды @Pavlodarnews.kz тілшісі.

Қалалық мәдениет және тілдерді дамыту бөлімі баспасөз қызметінің мәліметінше, 14 маусым күні сағат 17:00-ден 22:00-ге дейін қалалық мәдениет және демалыс саябағында 2000-нан аса адамды қамтитын «Ақсу толқыны» атты жазғы маусымның ашылуы өтеді. Іс-шараны ұйымдастыруға Сәбит Дөнентаев атындағы мәдениет сарайы мен қалалық орталықтандырылған кітапхана атсалысты.

Мерекелік бағдарлама бойынша:

• 17:00-де «Ақсу айдынында» атты ашық аспан астындағы поэзиялық кеші, суретшілерге арналған ашық пленэр;
• 18.00-де Қазақстанда танымал суретші – ҚР Мәдениет саласының үздігі, ҚР Мемлекеттік стипендиясының иегері, Халықаралық байқаулардың лауреаты, Гиннес рекордсмені, Суретшілер одағының мүшесі, Еуразиялық дизайнерлер одағының мүшесі және Санкт-Петербург Шығармашылық одағының Үйлестіру кеңесінің мүшесі Ренат Елубаевтың шеберлік сағаты және зағип жандардың туындыларына аукцион;
• шахмат – дойбы клубы, «Жаңа кітаптар әлемі» атты көрме, қолданбалы өнер шығармашылығының көрмесі, спорттық және балалар ойын-сауық алаңдары; 
• 19:00-де қаланың шығармашылық ұжымдарының қатысуымен мерекелік концерт;
• 21.00-ден DMC PUMBA-дан би кеші өтеді.