Онда әкім кубогы сарапқа салынады, деп хабарлайды @Pavlodarnews.kz.

Аудандық әкімдіктің мәлімдеуінше, биыл байқауға әр түрлі саладан құралған 4 құрама команда қатысуда.

- Кеше ауданның еңбек ұжымдары арасындағы спартакиада аясында әкім кубогына арналған қызықты жарыстар басталды. Бүгін шағын футбол, шахмат және үстел теннисінен жарыстар өтті. Ал 16 желтоқсанға дейін бізді тоғызқұмалақ, асық ату, волейбол, баскетбол, шаңғы жарысы және бильярд ойындары күтіп тұр, - делінген хабарламада.

Додаға аудан әкімінің аппараты, ауылдық округ әкімдіктері және дербес бөлімдерден құралған «Қайрат» командасы, білім беру мекемелерінің ұжымдарынан жасақталған «Білім беру» командасы, мәслихатты, құқық қорғау органдарын, төтенше жағдайлар қызметтерін және басқа да негізгі құрылымдарды біріктірген «Егемен» командасы мен Ақтоғай-Агро және Ақтоғай-Милк кәсіпорындарынан құралған «Ақтоғай-Агро» командасы бақ сынайды.

Жарыс апта сайын сейсенбі және бейсенбі күндері өтеді.

Жеңімпаз команда аудан әкімінің кубогын, ауданның 85 жылдығына арналған медальдар мен марапаттау қағаздарымен марапатталады.