Аудан прокуратурасымен мемлекеттік сатып алулар өткізу кезінде кәсіпкерлердің құқықтарының сақталуына талдау жүргізілді, деп хабарлайды  @Pavlodarnews.kz тілшісі.

Аталған талдау нәтижесінде қолданыстағы заңнама талаптарының бұзылғаны анықталды, бұл 26 бизнес субъектісінің құқықтарының бұзылуына алып келген. 

– Атап айтқанда, мемлекеттік органдар енгізілген кепілдік қамтамасыз етулерді қайтармаған. Қарыз 2022 жылдан 2025 жылға дейінгі кезеңде қалыптасқан, жалпы сомасы – 3 078 999 теңге, – дейді Аққулы ауданының әкімдігінде. 

Прокурорлық қадағалау актісінің нәтижесінде бес лауазымды тұлға тәртіптік жауапкершілікке тартылды, барлық бизнес субъектілеріне кепілдік сомалары қайтарылып, олардың құқықтары қорғалды.