Биыл Павлодар қаласында қандай көшелердің жолы жөнделеді
Қаланың негізгі тоғыз көшесінде жол жөнделмек, деп хабарлайды @Pavlodarnews.kz.
Бұл туралы облыстық әкімдікте өткен жиында қала әкімі Ержан Иманзайыпов мәлім етті.
- Маңызды мәселелердің бірі – жолдардың жағдайы. Биыл қалада жалпы ұзындығы 22,3 шақырымды құрайтын басты 9 көшенің жолын жөндеу жоспарланып отыр. Қаланың 4 шағын ауданындағы көшелерде 34,6 шақырым топырақ жолға ағымдағы жөндеу жасалады. Екінші Павлодарда 22,9 шақырым жолға қиыршық тас төселеді, - деді Ержан Иманзайыпов.
| Көше | Жөнделетін бөлігі |
| Қамзин көшесі | Толстой көшесінен Гагарин көшесіне дейін |
|
Ворушин көшесі |
Ломов көшесінен Циолковский көшесіне дейін және Каз. Правда көшесінен Ладожская көшесіне дейін (бордюрсіз) |
| Гагарин көшесі | Ак.Сәтбаев көшесінен Джамбульская көшесіне дейін |
| Теплов көшесі | Ак. Сәтбаев көшесінен М.Жүсіп көшесіне дейін |
| Нуркин көшесі | Ломов көшесінен Амангелді көшесіне дейін |
| М-38 жол | Айналмалы жолдан көпірге дейін |
| Кіші айналма жолы көшесі | Циолковский көшесінен Малайсары батыр көшесіне дейін |
| Щедрин көшесі | |
|
№ 19 автожолы |
Ломов көшесінен №16 автожолға дейін |
Жиында облыс әкімі Асайын Байханов келесі жылы жөнделетін жолдарды биыл жобалап бастап, жобалық-сметалық құжаттамасын дайындауды тапсырды.
- Бірқатар көшелердің жол сапасы өте төмен. Лермонтов, Қайырбаев, Кривенко, Торайғыров, Олжабай батыр және басқа да көшелердің жолының құжаттарын әзірлеңіздер. Сондай-ақ КазПравда көшесін айналма көшемен қосу жоспары бар. Сол жоспарды, құжаттарын осы жылдың аяғына дейін бітіруді тапсырамын, - деді Асайын Байханов.
Айта кетейік, биыл Павлодар қаласында тұрғындардың өтінішіне байланысты 10 жерде жаяу жүргіншілерге арналған тротуар салынады.
Фото: Константин Шелков
