Қатты желдің салдарынан жедел жәрдем көлігі көмекке бара алмаған, деп хабарлайды @Pavlodarnews.kz тілшісі.

Бұл туралы облыстық төтенше жағдайлар департаментінің баспасөз қызметі мәлімдеді.

- Павлодар облысында қатты боран мен екпінді желге байланысты жедел жәрдем көлігінің шығуы мүмкін болмады. Екі жүкті әйелді шұғыл жеткізу үшін құтқарушылар жол талғамайтын техниканы пайдаланды, - делінген хабарламада.

Медициналық қызметкерлердің сүйемелдеуімен 1994 және 2000 жылы туған әйелдер Майқайың кентінің ауруханасынан Екібастұз қалалық ауруханасына жеткізілді.

Маңызды қадам құтқарушылар мен дәрігерлердің үйлесімді әрекетінің арқасында сәтті іске асты.